౬. ఛక్కనిద్దేసవణ్ణనా

౮౦౫. విసుద్ధిభావన్తి విసుద్ధియా సబ్భావం. ‘‘దిబ్బచక్ఖుఞాణేకదేసత్తా’’తి ఇదం తస్స పరిభణ్డఞాణత్తా వుత్తం. తథా హి పాళియం ‘‘సత్తానం చుతూపపాతఞాణాయ చిత్తం అభినీహరతి అభినిన్నామేతీ’’తి (దీ. ని. ౧.౨౪౭) ఆరభిత్వా ‘‘సో దిబ్బేన చక్ఖునా విసుద్ధేనా’’తిఆది (దీ. ని. ౧.౨౪౬) వుత్తం. దిబ్బస్స తిరోహితవిప్పకట్ఠాదిభేదస్స, ఇతరస్స చ రూపాయతనస్స దస్సనసమత్థస్సాపి దిబ్బచక్ఖుఞాణస్స సిఖాపత్తి చవమానోపపజ్జమానసత్తదస్సనన్తి ఆహ ‘‘ముద్ధప్పత్తేన చా’’తిఆది.

ఛక్కనిద్దేసవణ్ణనా నిట్ఠితా.