౩. కామగుణకథావణ్ణనా

౫౧౦. కామభవస్స కమనట్ఠేన కామభవభావో సబ్బేపి కామావచరా ఖన్ధాదయో కామభవోతి ఇమినా అధిప్పాయేన దట్ఠబ్బో. ఉపాదిన్నక్ఖన్ధానమేవ పన కామభవభావో ధాతుకథాయం దస్సితో, న కమనట్ఠేన కామభవభావో. ‘‘పఞ్చిమే, భిక్ఖవే, కామగుణా’’తి వచనమత్తం నిస్సాయాతి పఞ్చేవ కామకోట్ఠాసా ‘‘కామో’’తి వుత్తాతి కామధాతూతివచనం న అఞ్ఞస్స నామన్తి ఇమినా అధిప్పాయేనేవం వచనమత్తం నిస్సాయాతి అత్థో.

కామగుణకథావణ్ణనా నిట్ఠితా.