౯. అనుపుబ్బాభిసమయకథావణ్ణనా

౩౩౯. అనుపుబ్బాభిసమయకథాయం అథవాతిఆదినా ఇదం దస్సేతి – చతున్నం ఞాణానం ఏకమగ్గభావతో న ఏకమగ్గస్స బహుభావాపత్తి, అనుపుబ్బేన చ సోతాపత్తిమగ్గం భావేతీతి ఉపపన్నన్తి పటిజానాతీతి.

౩౪౪. తదాతి దస్సనే పరినిట్ఠితే.

౩౪౫. అట్ఠహి ఞాణేహీతి ఏత్థ పటిసమ్భిదాఞాణేహి సహ అట్ఠసు గహితేసు నిరుత్తిపటిభానపటిసమ్భిదాహి సోతాపత్తిఫలసచ్ఛికిరియా కథం హోతీతి విచారేతబ్బం.