౯. రూపంరూపావచరారూపావచరన్తికథావణ్ణనా

౭౬౮-౭౭౦. రూపంరూపావచరారూపావచరన్తికథాయం హేట్ఠాతి చుద్దసమవగ్గే ఆగతపరియాపన్నకథాయం (కథా. అట్ఠ. ౭౦౩-౭౦౫). ‘‘సమాపత్తేసియ’’న్తిఆది వుత్తనయమేవ. యఞ్చేత్థ ‘‘అత్థి రూపం అరూపావచర’’న్తి అరూపావచరకమ్మస్స కతత్తా రూపం వుత్తం, తత్థ చ యం వత్తబ్బం, తం అట్ఠమవగ్గే అరూపేరూపకథాయం (కథా. అట్ఠ. ౫౨౪-౫౨౬) వుత్తనయమేవాతి.

రూపంరూపావచరారూపావచరన్తికథావణ్ణనా నిట్ఠితా.

సోళసమవగ్గవణ్ణనా నిట్ఠితా.