౯. అపరియాపన్నకథావణ్ణనా

౭౦౯-౭౧౦. తస్మాతి యస్మా దిట్ఠిరాగానం సమానే విక్ఖమ్భనభావేపి ‘‘వీతరాగో’’తి వుచ్చతి, న పన ‘‘విగతదిట్ఠికో’’తి, తస్మా దిట్ఠి లోకియపరియాపన్నా న హోతీతి అత్థం వదన్తి. రూపదిట్ఠియా అభావా పన కామధాతుపరియాపన్నాయ దిట్ఠియా భవితబ్బం. యది చ పరియాపన్నా సియా, తథా చ సతి కామరాగో వియ ఝానలాభినో దిట్ఠిపి విగచ్ఛేయ్యాతి ‘‘విగతదిట్ఠికో’’తి వత్తబ్బో సియా, న చ వుచ్చతి, తస్మా అపరియాపన్నా దిట్ఠి. న హి సా తస్స అవిగతా దిట్ఠి కామరాగో వియ కామదిట్ఠి యేన కామధాతుయా పరియాపన్నా సియాతి వదతీతి వేదితబ్బం.

అపరియాపన్నకథావణ్ణనా నిట్ఠితా.

చుద్దసమవగ్గవణ్ణనా నిట్ఠితా.