౧౦. పఞ్ఞత్తానుయోగవణ్ణనా

౬౧-౬౬. రూపకాయావిరహం సన్ధాయ ‘‘రూపకాయసబ్భావతో’’తి ఆహ. ‘‘రూపినో వా అరూపినో వా’’తి (ఇతివు. ౯౦) సుత్తే ఆగతపఞ్ఞత్తిం సన్ధాయ ‘‘తథారూపాయ చ పఞ్ఞత్తియా అత్థితాయా’’తి. వీతరాగసబ్భావతోతి కామీభావస్స అనేకన్తికత్తా కామధాతుయా ఆయత్తత్తాభావతో చ ‘‘కామీ’’తి న వత్తబ్బోతి పటిక్ఖిపతీతి అధిప్పాయో.

౬౭. కాయానుపస్సనాయాతి కారణవచనమేతం, కాయానుపస్సనాయ కారణభూతాయ ఏవంలద్ధికత్తాతి అత్థో. ఆహచ్చ భాసితన్తి ‘‘అఞ్ఞం జీవం అఞ్ఞం సరీరన్తి అబ్యాకతమేతం మయా’’తి (మ. ని. ౨.౧౨౮) ఆహచ్చ భాసితం.

పఞ్ఞత్తానుయోగవణ్ణనా నిట్ఠితా.