౧-౭. పఠమఉగ్గసుత్తాదివణ్ణనా

౨౧-౨౭. తతియస్స పఠమదుతియేసు నత్థి వత్తబ్బం. తతియే ‘‘హత్థగో’’తి వత్తబ్బే ‘‘హత్థకో’’తి వుత్తం. సో హి రాజపురిసానం హత్థతో యక్ఖస్స హత్థం, యక్ఖస్స హత్థతో భగవతో హత్థం, భగవతో హత్థతో పున రాజపురిసానం హత్థం గతత్తా నామతో హత్థకో ఆళవకోతి జాతో. తేనాహ ‘‘ఆళవకయక్ఖస్స హత్థతో హత్థేహి సమ్పటిచ్ఛితత్తా హత్థకోతి లద్ధనామో రాజకుమారో’’తి. చతుత్థాదీని ఉత్తానత్థానేవ.

పఠమఉగ్గసుత్తాదివణ్ణనా నిట్ఠితా.