౫. పఠమలోకధమ్మసుత్తవణ్ణనా

౫. పఞ్చమే లోకస్స ధమ్మాతి సత్తలోకస్స అవస్సంభావిధమ్మా. తేనాహ ‘‘ఏతేహి ముత్తా నామ నత్థి’’తిఆది. ఘాసచ్ఛాదనాదీనం లద్ధి లాభో, తాని ఏవ వా లద్ధబ్బతో లాభో, తదభావో అలాభో, లాభగ్గహణేన చేత్థ తబ్బిసయో అనురోధో గహితో, అలాభగ్గహణేన విరోధో. యస్మా లోహితే సతి తదుపఘాతవసేన పుబ్బో వియ అనురోధో లద్ధావసరో ఏవ హోతి, తస్మా వుత్తం ‘‘లాభే ఆగతే అలాభో ఆగతోయేవా’’తి. ఏస నయో యసాదీసుపి. సేసం సువిఞ్ఞేయ్యమేవ.

పఠమలోకధమ్మసుత్తవణ్ణనా నిట్ఠితా.