౩. భయసుత్తవణ్ణనా

౨౩. తతియే సమ్భవతి జాతిమరణం ఏతేనాతి సమ్భవో, ఉపాదానన్తి ఆహ ‘‘జాతియా చ మరణస్స చ సమ్భవే పచ్చయభూతే’’తి. అనుపాదాతి అనుపాదాయ. తేనాహ ‘‘అనుపాదియిత్వా’’తి. జాతిమరణాని సమ్మా ఖీయన్తి ఏత్థాతి జాతిమరణసఙ్ఖయో, నిబ్బానన్తి ఆహ ‘‘జాతిమరణానం సఙ్ఖయసఙ్ఖాతే నిబ్బానే’’తి. సబ్బదుక్ఖం ఉపచ్చగున్తి సకలమ్పి వట్టదుక్ఖం అతిక్కన్తా చరిమచిత్తనిరోధేన వట్టదుక్ఖలేసస్సపి అసమ్భవతో.

భయసుత్తవణ్ణనా నిట్ఠితా.