౧-౧౧. పాతుభావసుత్తాదివణ్ణనా

౯౬-౧౦౬. దసమస్స పఠమాదీసు నత్థి వత్తబ్బం. అట్ఠమే మేత్తా ఏతస్స అత్థీతి మేత్తావా, తస్స భావో మేత్తావతా, మేత్తాపటిపత్తి, తాయ. సా పన మేత్తావతా మేత్తావసేన పారిచరియాతి ఆహ ‘‘మేత్తాయుత్తాయ పారిచరియాయా’’తి. పరిచరన్తి విప్పకతబ్రహ్మచరియత్తా. పరిచిణ్ణసత్థుకేన సావకేన నామ సత్థునో యావ ధమ్మేన కాతబ్బా పారిచరియా, తాయ సమ్మదేవ సమ్పాదితత్తా. నవమాదీని ఉత్తానత్థాని.

పాతుభావసుత్తాదివణ్ణనా నిట్ఠితా.

ఆనిసంసవగ్గవణ్ణనా నిట్ఠితా.

౧౦౭-౧౧౬. ఏకాదసమవగ్గో ఉత్తానత్థోయేవ.

ఇతి మనోరథపూరణియా అఙ్గుత్తరనికాయ-అట్ఠకథాయ

ఛక్కనిపాతవణ్ణనాయ అనుత్తానత్థదీపనా సమత్తా.