౫. పఠమయోధాజీవసుత్తవణ్ణనా

౭౫. పఞ్చమే యుజ్ఝనం యోధో, సో ఆజీవో ఏతేసన్తి యోధాజీవా. తేనాహ ‘‘యుద్ధూపజీవినో’’తి. సన్థమ్భిత్వా ఠాతుం న సక్కోతీతి బద్ధో ధితిసమ్పన్నో ఠాతుం న సక్కోతి. సమాగతేతి సమ్పత్తే. బ్యాపజ్జతీతి వికారమాపజ్జతి. తేనాహ ‘‘పకతిభావం జహతీ’’తి.

రజగ్గస్మిన్తి పచ్చత్తే భుమ్మవచనన్తి ఆహ ‘‘కిం తస్స పుగ్గలస్స రజగ్గం నామా’’తి. వినిబ్బేఠేత్వాతి గహితగ్గహణం విస్సజ్జాపేత్వా. మోచేత్వాతి సరీరతో అపనేత్వా.

పఠమయోధాజీవసుత్తవణ్ణనా నిట్ఠితా.