౬-౭. కాలదానసుత్తాదివణ్ణనా

౩౬-౩౭. ఛట్ఠే ఆరామతోతి ఫలారామతో. పఠముప్పన్నానీతి సబ్బపఠమం సుజాతాని. భాసితఞ్ఞూతి భిక్ఖూ ఘరద్వారే ఠితా కిఞ్చాపి తుణ్హీ హోన్తి, అత్థతో పన ‘‘భిక్ఖం దేథా’’తి వదన్తి నామ అరియాయ యాచనాయ. వుత్తఞ్హేతం ‘‘ఉద్ధిస్స అరియా తిట్ఠన్తి, ఏసా అరియానం యాచనా’’తి. తత్ర యే ‘‘మయం పచామ, ఇమే న పచన్తి, పచమానే పత్వా అలభన్తా కుహిం లభిస్సన్తీ’’తి దేయ్యధమ్మం సంవిభజన్తి, తే భాసితఞ్ఞూ నామ ఞత్వా కత్తబ్బస్స కరణతో. యుత్తప్పత్తకాలేతి దాతుం యుత్తప్పత్తకాలే. అప్పటివానచిత్తోతి అనివత్తనచిత్తో. సత్తమం ఉత్తానమేవ.

కాలదానసుత్తాదివణ్ణనా నిట్ఠితా.