౨. చున్దీసుత్తవణ్ణనా

౩౨. దుతియే ‘‘అరియకన్తేహి సీలేహి సమన్నాగతో’’తిఆదీసు (అ. ని. ౫.౧౭౯) అరియకన్తానీతి పఞ్చసీలాని ఆగతాని. అరియకన్తాని హి పఞ్చసీలాని అరియానం కన్తాని పియాని, భవన్తరగతాపి అరియా తాని న విజహన్తి. ఇధ పన ‘‘యావతా, చున్ద, సీలాని అరియకన్తాని సీలాని, తేసం అగ్గమక్ఖాయతి…పే… అగ్గే తే పరిపూరకారినో’’తి వుత్తత్తా మగ్గఫలాని సీలాని అధిప్పేతానీతి ఆహ ‘‘అరియకన్తాని సీలానీతి మగ్గఫలసమ్పయుత్తాని సీలానీ’’తి.

చున్దీసుత్తవణ్ణనా నిట్ఠితా.