౧. అననుస్సుతసుత్తవణ్ణనా

౧౧. దుతియస్స పఠమే అభిజానిత్వాతి అభివిసిట్ఠేన ఞాణేన జానిత్వా. అట్ఠహి కారణేహి తథాగతస్సాతి ‘‘తథా ఆగతోతి తథాగతో. తథా గతోతి తథాగతో. తథలక్ఖణం ఆగతోతి తథాగతో. తథధమ్మే యాథావతో అభిసమ్బుద్ధోతి తథాగతో. తథదస్సితాయ తథాగతో. తథావాదితాయ తథాగతో. తథాకారితాయ తథాగతో. అభిభవనట్ఠేన తథాగతో’’తి ఏవం వుత్తేహి అట్ఠహి కారణేహి. ఉసభస్స ఇదన్తి ఆసభం, సేట్ఠట్ఠానం. తేనాహ ‘‘ఆసభం ఠానన్తి సేట్ఠట్ఠాన’’న్తి. పరతో దస్సితబలయోగేన ‘‘దసబలోహ’’న్తి అభీతనాదం నదతి. బ్రహ్మచక్కన్తి ఏత్థ సేట్ఠపరియాయో. బ్రహ్మసద్దోతి ఆహ ‘‘సేట్ఠచక్క’’న్తి. చక్కఞ్చేతం ధమ్మచక్కం అధిప్పేతం.

అననుస్సుతసుత్తవణ్ణనా నిట్ఠితా.