౧-౨. అక్కోసకసుత్తాదివణ్ణనా

౨౧౧-౨. దుతియస్స పఠమే దసహి అక్కోసవత్థూహి అక్కోసకోతి ‘‘బాలోసి, మూళ్హోసి, ఓట్ఠోసి, గోణోసి, గద్రభోసీ’’తిఆదినా దసహి అక్కోసవత్థూహి అక్కోసకో. ‘‘హోతు, ముణ్డకసమణ, అదణ్డో అహన్తి కరోసి, ఇదాని తే రాజకులం గన్త్వా దణ్డం ఆరోపేస్సామీ’’తిఆదీని వదన్తో పరిభాసకో నామాతి ఆహ ‘‘భయదస్సనేన పరిభాసకో’’తి. లోకుత్తరధమ్మా అపాయమగ్గస్స పరిపన్థభావతో పరిపన్థో నామాతి ఆహ ‘‘లోకుత్తరపరిపన్థస్స ఛిన్నత్తా’’తి, లోకుత్తరసఙ్ఖాతస్స అపాయమగ్గపరిపన్థస్స ఛిన్నత్తాతి అత్థో. దుతియే నత్థి వత్తబ్బం.

అక్కోసకసుత్తాదివణ్ణనా నిట్ఠితా.