౭. వస్ససుత్తవణ్ణనా

౧౯౭. సత్తమే ఉతుసముట్ఠానన్తి వస్సికే చత్తారో మాసే ఉప్పన్నం. అకాలేపీతి చిత్తవేసాఖమాసేసుపి. వస్సవలాహకదేవపుత్తానఞ్హి అత్తనో రతియా కీళితుకామతాచిత్తే ఉప్పన్నే అకాలేపి దేవో వస్సతి. తత్రిదం వత్థు – ఏకో కిర వస్సవలాహకదేవపుత్తో వాకరకుటకవాసిఖీణాసవత్థేరస్స సన్తికం గన్త్వా వన్దిత్వా అట్ఠాసి. థేరో ‘‘కోసి త్వ’’న్తి పుచ్ఛి. అహం, భన్తే, వస్సవలాహకదేవపుత్తోతి. తుమ్హాకం కిర చిత్తేన దేవో వస్సతీతి. ఆమ, భన్తేతి. పస్సితుకామా మయన్తి. తేమిస్సథ, భన్తేతి. మేఘసీసం వా గజ్జితం వా న పఞ్ఞాయతి, కథం తేమిస్సామాతి. భన్తే, అమ్హాకం చిత్తేన దేవో వస్సతి, తుమ్హే పణ్ణసాలం పవిసథాతి. ‘‘సాధు, దేవపుత్తా’’తి పాదే ధోవిత్వా పణ్ణసాలం పావిసి. దేవపుత్తో తస్మిం పవిసన్తేయేవ ఏకం గీతం గాయిత్వా హత్థం ఉక్ఖిపి, సమన్తా తియోజనట్ఠానం ఏకమేఘం అహోసి. థేరో అద్ధతిన్తో పణ్ణసాలం పవిట్ఠోతి.

వస్ససుత్తవణ్ణనా నిట్ఠితా.