౭-౯. చోదనాసుత్తాదివణ్ణనా

౧౬౭-౯. సత్తమే వత్థుసన్దస్సనాతి యస్మిం వత్థుస్మిం ఆపత్తి, తస్స సరూపతో దస్సనం. ఆపత్తిసన్దస్సనాతి యం ఆపత్తిం సో ఆపన్నో, తస్సా దస్సనం. సంవాసప్పటిక్ఖేపోతి ఉపోసథప్పవారణాదిసంవాసస్స పటిక్ఖిపనం అకరణం. సామీచిప్పటిక్ఖేపోతి అభివాదనాదిసామీచికిరియాయ అకరణం. చోదయమానేనాతి చోదేన్తేన. చుదితకస్స కాలోతి చుదితకస్స చోదేతబ్బకాలో. పుగ్గలన్తి చోదేతబ్బపుగ్గలం. ఉపపరిక్ఖిత్వాతి ‘‘అయం చుదితకలక్ఖణే తిట్ఠతి, న తిట్ఠతీ’’తి వీమంసిత్వా. అయసం ఆరోపేతీతి ‘‘ఇమే మం అభూతేన అబ్భాచిక్ఖన్తా అయసం బ్యసనం ఉప్పాదేన్తీ’’తి భిక్ఖూనం అయసం ఉప్పాదేతి. అట్ఠమనవమాని ఉత్తానత్థానేవ.

చోదనాసుత్తాదివణ్ణనా నిట్ఠితా.