౩. దుతియసమాధిసుత్తవణ్ణనా

౯౩. తతియే అప్పటివానీతి భావప్పధానో నిద్దేసోతి ఆహ ‘‘అనివత్తనతా’’తి. ‘‘అప్పటివానితా’’తి వత్తబ్బే ‘‘అప్పటివానీ’’తి వుత్తం. తథా హి వీరియప్పవాహే వత్తమానే అన్తరా ఏవ పటిగమనం నివత్తనం పటివానం, తం అస్స అత్థీతి పటివానీ, న పటివానీ అప్పటివానీ, తస్స భావో అప్పటివానితా, అనివత్తనాతి అత్థో. అప్పటివానీతి వా ఇత్థిలిఙ్గవసేనేవాయం నిద్దేసో. అన్తరాయేవ పటిగమనం నివత్తనం పటివానీ, న పటివానీ అప్పటివానీ, అనివత్తనాతి అత్థో.

దుతియసమాధిసుత్తవణ్ణనా నిట్ఠితా.