౭. తణ్హక్ఖయసుత్తం

౯౦౫. సావత్థినిదానం. తత్ర ఖో ఆయస్మా అనురుద్ధో భిక్ఖూ ఆమన్తేసి – ‘‘ఆవుసో భిక్ఖవో’’తి. ‘‘ఆవుసో’’తి ఖో తే భిక్ఖూ ఆయస్మతో అనురుద్ధస్స పచ్చస్సోసుం. ఆయస్మా అనురుద్ధో ఏతదవోచ –

‘‘చత్తారోమే, ఆవుసో, సతిపట్ఠానా భావితా బహులీకతా తణ్హక్ఖయాయ సంవత్తన్తి. కతమే చత్తారో? ఇధావుసో, భిక్ఖు కాయే కాయానుపస్సీ విహరతి…పే… వేదనాసు…పే… చిత్తే…పే… ధమ్మేసు ధమ్మానుపస్సీ విహరతి ఆతాపీ సమ్పజానో సతిమా, వినేయ్య లోకే అభిజ్ఝాదోమనస్సం – ఇమే ఖో, ఆవుసో, చత్తారో సతిపట్ఠానా భావితా బహులీకతా తణ్హక్ఖయాయ సంవత్తన్తీ’’తి. సత్తమం.