౪. తతియసంఖిత్తసుత్తం

౪౮౪. ‘‘పఞ్చిమాని, భిక్ఖవే, ఇన్ద్రియాని. కతమాని పఞ్చ? సద్ధిన్ద్రియం…పే… పఞ్ఞిన్ద్రియం – ఇమాని ఖో, భిక్ఖవే, పఞ్చిన్ద్రియాని. ఇమేసం ఖో, భిక్ఖవే, పఞ్చన్నం ఇన్ద్రియానం సమత్తా పరిపూరత్తా అరహం హోతి, తతో ముదుతరేహి అనాగామీ హోతి, తతో ముదుతరేహి సకదాగామీ హోతి, తతో ముదుతరేహి సోతాపన్నో హోతి, తతో ముదుతరేహి ధమ్మానుసారీ హోతి, తతో ముదుతరేహి సద్ధానుసారీ హోతి. ఇతి ఖో, భిక్ఖవే, పరిపూరం పరిపూరకారీ ఆరాధేతి, పదేసం పదేసకారీ ఆరాధేతి. ‘అవఞ్ఝాని త్వేవాహం, భిక్ఖవే, పఞ్చిన్ద్రియానీ’తి వదామీ’’తి. చతుత్థం.