౪. భావితసుత్తం

౪౦౦. ‘‘చత్తారోమే, భిక్ఖవే, సతిపట్ఠానా భావితా బహులీకతా అపారా పారం గమనాయ సంవత్తన్తి.

‘‘కతమే చత్తారో? ఇధ, భిక్ఖవే, భిక్ఖు కాయే కాయానుపస్సీ విహరతి ఆతాపీ సమ్పజానో సతిమా, వినేయ్య లోకే అభిజ్ఝాదోమనస్సం; వేదనాసు…పే… చిత్తే…పే… ధమ్మేసు ధమ్మానుపస్సీ విహరతి ఆతాపీ సమ్పజానో సతిమా, వినేయ్య లోకే అభిజ్ఝాదోమనస్సం. ఇమే ఖో, భిక్ఖవే, చత్తారో సతిపట్ఠానా భావితా బహులీకతా అపారా పారం గమనాయ సంవత్తన్తీ’’తి. చతుత్థం.