౪. దుప్పఞ్ఞసుత్తం

౨౨౫. అథ ఖో అఞ్ఞతరో భిక్ఖు యేన భగవా తేనుపసఙ్కమి…పే… ఏకమన్తం నిసిన్నో ఖో సో భిక్ఖు భగవన్తం ఏతదవోచ – ‘‘‘దుప్పఞ్ఞో ఏళమూగో, దుప్పఞ్ఞో ఏళమూగో’తి, భన్తే, వుచ్చతి. కిత్తావతా ను ఖో, భన్తే, ‘దుప్పఞ్ఞో ఏళమూగో’తి వుచ్చతీ’’తి? ‘‘సత్తన్నం ఖో, భిక్ఖు, బోజ్ఝఙ్గానం అభావితత్తా అబహులీకతత్తా ‘దుప్పఞ్ఞో ఏళమూగో’తి వుచ్చతి. కతమేసం సత్తన్నం? సతిసమ్బోజ్ఝఙ్గస్స…పే… ఉపేక్ఖాసమ్బోజ్ఝఙ్గస్స – ఇమేసం ఖో, భిక్ఖు, సత్తన్నం బోజ్ఝఙ్గానం అభావితత్తా అబహులీకతత్తా ‘దుప్పఞ్ఞో ఏళమూగో’తి వుచ్చతీ’’తి. చతుత్థం.