౯. తతియఆమకధఞ్ఞపేయ్యాలవగ్గో

౧. నచ్చగీతసుత్తం

౧౧౫౧. …పే….

‘‘ఏవమేవ ఖో, భిక్ఖవే, అప్పకా తే సత్తా యే నచ్చగీతవాదితవిసూకదస్సనా పటివిరతా; అథ ఖో ఏతేవ బహుతరా సత్తా యే నచ్చగీతవాదితవిసూకదస్సనా అప్పటివిరతా. తం కిస్స హేతు…పే…. పఠమం.

౨. ఉచ్చాసయనసుత్తం

౧౧౫౨. …పే… ‘‘ఏవమేవ ఖో, భిక్ఖవే, అప్పకా తే సత్తా యే ఉచ్చాసయనమహాసయనా పటివిరతా; అథ ఖో ఏతేవ బహుతరా సత్తా యే ఉచ్చాసయనమహాసయనా అప్పటివిరతా…పే…. దుతియం.

౩. జాతరూపరజతసుత్తం

౧౧౫౩. …పే… ‘‘ఏవమేవ ఖో, భిక్ఖవే, అప్పకా తే సత్తా యే జాతరూపరజతపటిగ్గహణా పటివిరతా; అథ ఖో ఏతేవ బహుతరా సత్తా యే జాతరూపరజతపటిగ్గహణా అప్పటివిరతా…పే…. తతియం.

౪. ఆమకధఞ్ఞసుత్తం

౧౧౫౪. …పే… ‘‘ఏవమేవ ఖో, భిక్ఖవే, అప్పకా తే సత్తా యే ఆమకధఞ్ఞపటిగ్గహణా పటివిరతా; అథ ఖో ఏతేవ బహుతరా సత్తా యే ఆమకధఞ్ఞపటిగ్గహణా అప్పటివిరతా…పే…. చతుత్థం.

౫. ఆమకమంససుత్తం

౧౧౫౫. …పే… ‘‘ఏవమేవ ఖో, భిక్ఖవే, అప్పకా తే సత్తా యే ఆమకమంసపటిగ్గహణా పటివిరతా; అథ ఖో ఏతేవ బహుతరా సత్తా యే ఆమకమంసపటిగ్గహణా అప్పటివిరతా…పే…. పఞ్చమం.

౬. కుమారికసుత్తం

౧౧౫౬. …పే… ‘‘ఏవమేవ ఖో, భిక్ఖవే, అప్పకా తే సత్తా యే ఇత్థికుమారికపటిగ్గహణా [ఇత్థికుమారికాపటిగ్గహణా (క.)] పటివిరతా; అథ ఖో ఏతేవ బహుతరా సత్తా యే ఇత్థికుమారికపటిగ్గహణా అప్పటివిరతా…పే…. ఛట్ఠం.

౭. దాసిదాససుత్తం

౧౧౫౭. …పే… ‘‘ఏవమేవ ఖో, భిక్ఖవే, అప్పకా తే సత్తా యే దాసిదాసపటిగ్గహణా [దాసీదాసపటిగ్గహణా (స్యా. కం. పీ.)] పటివిరతా; అథ ఖో ఏతేవ బహుతరా సత్తా యే దాసిదాసపటిగ్గహణా అప్పటివిరతా…పే…. సత్తమం.

౮. అజేళకసుత్తం

౧౧౫౮. …పే… ‘‘ఏవమేవ ఖో, భిక్ఖవే, అప్పకా తే సత్తా యే అజేళకపటిగ్గహణా పటివిరతా; అథ ఖో ఏతేవ బహుతరా సత్తా యే అజేళకపటిగ్గహణా అప్పటివిరతా…పే…. అట్ఠమం.

౯. కుక్కుటసూకరసుత్తం

౧౧౫౯. …పే… ‘‘ఏవమేవ ఖో, భిక్ఖవే, అప్పకా తే సత్తా యే కుక్కుటసూకరపటిగ్గహణా పటివిరతా; అథ ఖో ఏతేవ బహుతరా సత్తా యే కుక్కుటసూకరపటిగ్గహణా అప్పటివిరతా…పే…. నవమం.

౧౦. హత్థిగవస్ససుత్తం

౧౧౬౦. …పే… ‘‘ఏవమేవ ఖో, భిక్ఖవే, అప్పకా తే సత్తా యే హత్థిగవస్సవళవపటిగ్గహణా [హత్థిగవస్సవళవాపటిగ్గహణా (స్యా. కం. పీ. క.)] పటివిరతా; అథ ఖో ఏతేవ బహుతరా సత్తా యే హత్థిగవస్సవళవపటిగ్గహణా అప్పటివిరతా…పే…. దసమం.

తతియఆమకధఞ్ఞపేయ్యాలవగ్గో నవమో.

తస్సుద్దానం –

నచ్చం సయనం రజతం, ధఞ్ఞం మంసం కుమారికా;

దాసీ అజేళకఞ్చేవ, కుక్కుటసూకరహత్థీతి.