౧౦. చతుత్థఆమకధఞ్ఞపేయ్యాలవగ్గో

౧. ఖేత్తవత్థుసుత్తం

౧౧౬౧. …పే… ‘‘ఏవమేవ ఖో, భిక్ఖవే, అప్పకా తే సత్తా యే ఖేత్తవత్థుపటిగ్గహణా పటివిరతా; అథ ఖో ఏతేవ బహుతరా సత్తా యే ఖేత్తవత్థుపటిగ్గహణా అప్పటివిరతా…పే…. పఠమం.

౨. కయవిక్కయసుత్తం

౧౧౬౨. …పే… ‘‘ఏవమేవ ఖో, భిక్ఖవే, అప్పకా తే సత్తా యే కయవిక్కయా పటివిరతా; అథ ఖో ఏతేవ బహుతరా సత్తా యే కయవిక్కయా అప్పటివిరతా…పే…. దుతియం.

౩. దూతేయ్యసుత్తం

౧౧౬౩. …పే… ‘‘ఏవమేవ ఖో, భిక్ఖవే, అప్పకా తే సత్తా యే దూతేయ్యపహినగమనానుయోగా పటివిరతా; అథ ఖో ఏతేవ బహుతరా సత్తా యే దూతేయ్యపహినగమనానుయోగా అప్పటివిరతా…పే…. తతియం.

౪. తులాకూటసుత్తం

౧౧౬౪. …పే… ‘‘ఏవమేవ ఖో, భిక్ఖవే, అప్పకా తే సత్తా యే తులాకూటకంసకూటమానకూటా పటివిరతా; అథ ఖో ఏతేవ బహుతరా సత్తా యే తులాకూటకంసకూటమానకూటా అప్పటివిరతా…పే…. చతుత్థం.

౫. ఉక్కోటనసుత్తం

౧౧౬౫. …పే… ‘‘ఏవమేవ ఖో, భిక్ఖవే, అప్పకా తే సత్తా యే ఉక్కోటనవఞ్చననికతిసాచియోగా [ఉక్కోటనవఞ్చననికతిసావియోగా (స్యా. కం. పీ. క.)] పటివిరతా; అథ ఖో ఏతేవ బహుతరా సత్తా యే ఉక్కోటనవఞ్చననికతిసాచియోగా అప్పటివిరతా…పే…. పఞ్చమం.

౬-౧౧. ఛేదనాదిసుత్తం

౧౧౬౬-౧౧౭౧. …పే… ఏవమేవ ఖో, భిక్ఖవే, అప్పకా తే సత్తా యే ఛేదనవధబన్ధనవిపరామోసఆలోపసహసాకారా [సాహసాకారా (క.)] పటివిరతా; అథ ఖో ఏతేవ బహుతరా సత్తా యే ఛేదనవధబన్ధనవిపరామోసఆలోపసహసాకారా అప్పటివిరతా. తం కిస్స హేతు? అదిట్ఠత్తా భిక్ఖవే, చతున్నం అరియసచ్చానం. కతమేసం చతున్నం? దుక్ఖస్స అరియసచ్చస్స…పే… దుక్ఖనిరోధగామినియా పటిపదాయ అరియసచ్చస్స’’.

‘‘తస్మాతిహ, భిక్ఖవే, ‘ఇదం దుక్ఖ’న్తి యోగో కరణీయో…పే… ‘అయం దుక్ఖనిరోధగామినీ పటిపదా’తి యోగో కరణీయో’’తి. ఏకాదసమం.

చతుత్థఆమకధఞ్ఞపేయ్యాలవగ్గో దసమో.

తస్సుద్దానం –

ఖేత్తం కాయం దూతేయ్యఞ్చ, తులాకూటం ఉక్కోటనం;

ఛేదనం వధబన్ధనం, విపరాలోపం సాహసన్తి.