౫. పఠమమహాపథవీసుత్తం

౧౧౨౫. ‘‘సేయ్యథాపి, భిక్ఖవే, పురిసో మహాపథవియా సత్త కోలట్ఠిమత్తియో గుళికా ఉపనిక్ఖిపేయ్య. తం కిం మఞ్ఞథ, భిక్ఖవే, కతమం ను ఖో బహుతరం – యా వా సత్త కోలట్ఠిమత్తియో గుళికా ఉపనిక్ఖిత్తా, అయం వా మహాపథవీ’’తి? ‘‘ఏతదేవ, భన్తే, బహుతరం, యదిదం – మహాపథవీ; అప్పమత్తికా సత్త కోలట్ఠిమత్తియో గుళికా ఉపనిక్ఖిత్తా. సఙ్ఖమ్పి న ఉపేన్తి, ఉపనిధమ్పి న ఉపేన్తి, కలభాగమ్పి న ఉపేన్తి మహాపథవిం ఉపనిధాయ సత్త కోలట్ఠిమత్తియో గుళికా ఉపనిక్ఖిత్తా’’తి. ‘‘ఏవమేవ ఖో, భిక్ఖవే, అరియసావకస్స…పే… యోగో కరణీయో’’తి. పఞ్చమం.