౯. మహానామసుత్తం

౧౦౪౫. కపిలవత్థునిదానం. ఏకమన్తం నిసిన్నం ఖో మహానామం సక్కం భగవా ఏతదవోచ – ‘‘చతూహి ఖో, మహానామ, ధమ్మేహి సమన్నాగతో అరియసావకో సోతాపన్నో హోతి…పే… సమ్బోధిపరాయణో’’.

‘‘కతమేహి చతూహి? ఇధ, మహానామ, అరియసావకో బుద్ధే…పే… ధమ్మే…పే… సఙ్ఘే…పే… అరియకన్తేహి సీలేహి సమన్నాగతో హోతి అఖణ్డేహి…పే… సమాధిసంవత్తనికేహి. ఇమేహి ఖో, మహానామ, చతూహి ధమ్మేహి సమన్నాగతో అరియసావకో సోతాపన్నో హోతి అవినిపాతధమ్మో నియతో సమ్బోధిపరాయణో’’తి. నవమం.