౪. పఠమమహద్ధనసుత్తం

౧౦౪౦. ‘‘చతూహి, భిక్ఖవే, ధమ్మేహి సమన్నాగతో అరియసావకో ‘అడ్ఢో మహద్ధనో మహాభోగో’తి [మహాభోగో మహాయసోతి (స్యా. పీ. క.)] వుచ్చతి.

‘‘కతమేహి చతూహి? ఇధ, భిక్ఖవే, అరియసావకో బుద్ధే అవేచ్చప్పసాదేన సమన్నాగతో హోతి – ఇతిపి సో భగవా…పే… సత్థా దేవమనుస్సానం బుద్ధో భగవాతి; ధమ్మే…పే… సఙ్ఘే…పే… అరియకన్తేహి సీలేహి సమన్నాగతో హోతి అఖణ్డేహి…పే… సమాధిసంవత్తనికేహి. ఇమేహి ఖో, భిక్ఖవే, చతూహి ధమ్మేహి సమన్నాగతో అరియసావకో ‘అడ్ఢో మహద్ధనో మహాభోగో’తి వుచ్చతీ’’తి. చతుత్థం.