౭. కుమ్భసుత్తం

౨౭. సావత్థినిదానం. ‘‘సేయ్యథాపి, భిక్ఖవే, కుమ్భో అనాధారో సుప్పవత్తియో హోతి, సాధారో దుప్పవత్తియో హోతి; ఏవమేవ ఖో, భిక్ఖవే, చిత్తం అనాధారం సుప్పవత్తియం హోతి, సాధారం దుప్పవత్తియం హోతి. కో చ, భిక్ఖవే, చిత్తస్స ఆధారో? అయమేవ అరియో అట్ఠఙ్గికో మగ్గో, సేయ్యథిదం – సమ్మాదిట్ఠి…పే… సమ్మాసమాధి. అయం చిత్తస్స ఆధారో. సేయ్యథాపి, భిక్ఖవే, కుమ్భో అనాధారో సుప్పవత్తియో హోతి, సాధారో దుప్పవత్తియో హోతి; ఏవమేవ ఖో, భిక్ఖవే, చిత్తం అనాధారం సుప్పవత్తియం హోతి, సాధారం దుప్పవత్తియం హోతీ’’తి. సత్తమం.