౬. పఠమపరిసుద్ధసుత్తం

౧౬. సావత్థినిదానం. ‘‘అట్ఠిమే, భిక్ఖవే, ధమ్మా పరిసుద్ధా పరియోదాతా అనఙ్గణా విగతూపక్కిలేసా అనుప్పన్నా ఉప్పజ్జన్తి, నాఞ్ఞత్ర తథాగతస్స పాతుభావా అరహతో సమ్మాసమ్బుద్ధస్స. కతమే అట్ఠ? సేయ్యథిదం – సమ్మాదిట్ఠి…పే… సమ్మాసమాధి. ఇమే ఖో, భిక్ఖవే, అట్ఠ ధమ్మా పరిసుద్ధా పరియోదాతా అనఙ్గణా విగతూపక్కిలేసా అనుప్పన్నా ఉప్పజ్జన్తి, నాఞ్ఞత్ర తథాగతస్స పాతుభావా అరహతో సమ్మాసమ్బుద్ధస్సా’’తి. ఛట్ఠం.