౨. దుక్కరసుత్తం

౩౩౧. ‘‘కిం ను ఖో, ఆవుసో సారిపుత్త, ఇమస్మిం ధమ్మవినయే దుక్కర’’న్తి? ‘‘పబ్బజ్జా ఖో, ఆవుసో, ఇమస్మిం ధమ్మవినయే దుక్కరా’’తి. ‘‘పబ్బజితేన పనావుసో, కిం దుక్కర’’న్తి? ‘‘పబ్బజితేన ఖో, ఆవుసో, అభిరతి దుక్కరా’’తి. ‘‘అభిరతేన పనావుసో, కిం దుక్కర’’న్తి? ‘‘అభిరతేన ఖో, ఆవుసో, ధమ్మానుధమ్మప్పటిపత్తి దుక్కరా’’తి. ‘‘కీవచిరం పనావుసో, ధమ్మానుధమ్మప్పటిపన్నో భిక్ఖు అరహం అస్సా’’తి? ‘‘నచిరం, ఆవుసో’’తి. సోళసమం.

(పురిమకసదిసం ఉద్దానం.)

సామణ్డకసంయుత్తం సమత్తం.