౪౦-౪౨. అజ్ఝత్తాతీతాదియందుక్ఖసుత్తం

౨౦౭-౨౦౯. ‘‘చక్ఖు, భిక్ఖవే, దుక్ఖం అతీతం అనాగతం పచ్చుప్పన్నం. యం దుక్ఖం, తదనత్తా. యదనత్తా, తం ‘నేతం మమ, నేసోహమస్మి, న మేసో అత్తా’తి ఏవమేతం యథాభూతం సమ్మప్పఞ్ఞాయ దట్ఠబ్బం…పే… జివ్హా దుక్ఖా…పే… మనో దుక్ఖో అతీతో అనాగతో పచ్చుప్పన్నో. యం దుక్ఖం, తదనత్తా. యదనత్తా, తం ‘నేతం మమ, నేసోహమస్మి, న మేసో అత్తా’తి ఏవమేతం యథాభూతం సమ్మప్పఞ్ఞాయ దట్ఠబ్బం. ఏవం పస్సం…పే… నాపరం ఇత్థత్తాయాతి పజానాతీ’’తి.