౩౭. అజ్ఝత్తాతీతయదనిచ్చసుత్తం

౨౦౪. ‘‘చక్ఖు, భిక్ఖవే, అనిచ్చం అతీతం. యదనిచ్చం, తం దుక్ఖం. యం దుక్ఖం, తదనత్తా. యదనత్తా, తం ‘నేతం మమ, నేసోహమస్మి, న మేసో అత్తా’తి ఏవమేతం యథాభూతం సమ్మప్పఞ్ఞాయ దట్ఠబ్బం…పే… జివ్హా అనిచ్చా అతీతా. యదనిచ్చం, తం దుక్ఖం. యం దుక్ఖం, తదనత్తా. యదనత్తా, తం ‘నేతం మమ, నేసోహమస్మి, న మేసో అత్తా’తి ఏవమేతం యథాభూతం సమ్మప్పఞ్ఞాయ దట్ఠబ్బం…పే… మనో అనిచ్చో అతీతో. యదనిచ్చం, తం దుక్ఖం. యం దుక్ఖం, తదనత్తా. యదనత్తా, తం ‘నేతం మమ, నేసోహమస్మి, న మేసో అత్తా’తి ఏవమేతం యథాభూతం సమ్మప్పఞ్ఞాయ దట్ఠబ్బం. ఏవం పస్సం…పే… నాపరం ఇత్థత్తాయాతి పజానాతీ’’తి.