౧౦. బాహిరానిచ్చాతీతానాగతసుత్తం

౧౦. ‘‘రూపా, భిక్ఖవే, అనిచ్చా అతీతానాగతా; కో పన వాదో పచ్చుప్పన్నానం! ఏవం పస్సం, భిక్ఖవే, సుతవా అరియసావకో అతీతేసు రూపేసు అనపేక్ఖో హోతి; అనాగతే రూపే నాభినన్దతి; పచ్చుప్పన్నానం రూపానం నిబ్బిదాయ విరాగాయ నిరోధాయ పటిపన్నో హోతి. సద్దా… గన్ధా… రసా… ఫోట్ఠబ్బా… ధమ్మా అనిచ్చా అతీతానాగతా; కో పన వాదో పచ్చుప్పన్నానం! ఏవం పస్సం, భిక్ఖవే, సుతవా అరియసావకో అతీతేసు ధమ్మేసు అనపేక్ఖో హోతి; అనాగతే ధమ్మే నాభినన్దతి; పచ్చుప్పన్నానం ధమ్మానం నిబ్బిదాయ విరాగాయ నిరోధాయ పటిపన్నో హోతీ’’తి. దసమం.