౭. సఞ్చేతనాసుత్తం

౧౯౪. సావత్థియం విహరతి…పే… ‘‘తం కిం మఞ్ఞసి, రాహుల, రూపసఞ్చేతనా నిచ్చా వా అనిచ్చా వా’’తి? ‘‘అనిచ్చా, భన్తే’’…పే… ‘‘సద్దసఞ్చేతనా…పే… గన్ధసఞ్చేతనా… రససఞ్చేతనా … ఫోట్ఠబ్బసఞ్చేతనా… ధమ్మసఞ్చేతనా నిచ్చా వా అనిచ్చా వా’’తి? ‘‘అనిచ్చా, భన్తే’’…పే… ‘‘ఏవం పస్సం, రాహుల, సుతవా అరియసావకో రూపసఞ్చేతనాయపి నిబ్బిన్దతి…పే… సద్దసఞ్చేతనాయపి నిబ్బిన్దతి… గన్ధసఞ్చేతనాయపి నిబ్బిన్దతి… రససఞ్చేతనాయపి నిబ్బిన్దతి… ఫోట్ఠబ్బసఞ్చేతనాయపి నిబ్బిన్దతి… ధమ్మసఞ్చేతనాయపి నిబ్బిన్దతి…పే… పజానాతీ’’తి. సత్తమం.