౮. తణ్హాసుత్తం

౧౯౫. సావత్థియం విహరతి…పే… ‘‘తం కిం మఞ్ఞసి, రాహుల, రూపతణ్హా నిచ్చా వా అనిచ్చా వా’’తి? ‘‘అనిచ్చా, భన్తే’’…పే… ‘‘సద్దతణ్హా…పే… గన్ధతణ్హా… రసతణ్హా… ఫోట్ఠబ్బతణ్హా… ధమ్మతణ్హా నిచ్చా వా అనిచ్చా వా’’తి? ‘‘అనిచ్చా, భన్తే’’…పే… ‘‘ఏవం పస్సం, రాహుల, సుతవా అరియసావకో రూపతణ్హాయపి నిబ్బిన్దతి…పే… సద్దతణ్హాయపి నిబ్బిన్దతి… గన్ధతణ్హాయపి నిబ్బిన్దతి… రసతణ్హాయపి నిబ్బిన్దతి… ఫోట్ఠబ్బతణ్హాయ నిబ్బిన్దతి… ధమ్మతణ్హాయపి నిబ్బిన్దతి …పే… పజానాతీ’’తి. అట్ఠమం.