౬. సఞ్ఞాసుత్తం

౧౯౩. సావత్థియం విహరతి…పే… ‘‘తం కిం మఞ్ఞసి, రాహుల, రూపసఞ్ఞా నిచ్చా వా అనిచ్చా వా’’తి? ‘‘అనిచ్చా, భన్తే’’…పే… ‘‘సద్దసఞ్ఞా…పే… గన్ధసఞ్ఞా… రససఞ్ఞా… ఫోట్ఠబ్బసఞ్ఞా… ధమ్మసఞ్ఞా నిచ్చా వా అనిచ్చా వా’’తి? ‘‘అనిచ్చా, భన్తే’’…పే… ‘‘ఏవం పస్సం, రాహుల, సుతవా అరియసావకో రూపసఞ్ఞాయపి నిబ్బిన్దతి…పే… సద్దసఞ్ఞాయపి నిబ్బిన్దతి… గన్ధసఞ్ఞాయపి నిబ్బిన్దతి… రససఞ్ఞాయపి నిబ్బిన్దతి… ఫోట్ఠబ్బసఞ్ఞాయపి నిబ్బిన్దతి… ధమ్మసఞ్ఞాయపి నిబ్బిన్దతి…పే… పజానాతీ’’తి. ఛట్ఠం.