౫. వేదనాసుత్తం

౧౯౨. సావత్థియం విహరతి…పే… ‘‘తం కిం మఞ్ఞసి, రాహుల, చక్ఖుసమ్ఫస్సజా వేదనా నిచ్చా వా అనిచ్చా వా’’తి? ‘‘అనిచ్చా, భన్తే’’…పే… ‘‘సోతసమ్ఫస్సజా వేదనా…పే… ఘానసమ్ఫస్సజా వేదనా… జివ్హాసమ్ఫస్సజా వేదనా… కాయసమ్ఫస్సజా వేదనా… మనోసమ్ఫస్సజా వేదనా నిచ్చా వా అనిచ్చా వా’’తి? ‘‘అనిచ్చా, భన్తే’’…పే… ‘‘ఏవం పస్సం, రాహుల, సుతవా అరియసావకో చక్ఖుసమ్ఫస్సజాయ వేదనాయపి నిబ్బిన్దతి…పే… సోత… ఘాన… జివ్హా… కాయ… మనోసమ్ఫస్సజాయ వేదనాయపి నిబ్బిన్దతి…పే… పజానాతీ’’తి. పఞ్చమం.