౫. రామణేయ్యకసుత్తం

౨౬౧. సావత్థియం జేతవనే. అథ ఖో సక్కో దేవానమిన్దో యేన భగవా తేనుపసఙ్కమి; ఉపసఙ్కమిత్వా భగవన్తం అభివాదేత్వా ఏకమన్తం అట్ఠాసి. ఏకమన్తం ఠితో ఖో సక్కో దేవానమిన్దో భగవన్తం ఏతదవోచ – ‘‘కిం ను ఖో, భన్తే, భూమిరామణేయ్యక’’న్తి?

‘‘ఆరామచేత్యా వనచేత్యా, పోక్ఖరఞ్ఞో సునిమ్మితా;

మనుస్సరామణేయ్యస్స, కలం నాగ్ఘన్తి సోళసిం.

‘‘గామే వా యది వారఞ్ఞే, నిన్నే వా యది వా థలే;

యత్థ అరహన్తో విహరన్తి, తం భూమిరామణేయ్యక’’న్తి.