౭. కమ్మకథా

౨౩౪. అహోసి కమ్మం, అహోసి కమ్మవిపాకో. అహోసి కమ్మం, నాహోసి కమ్మవిపాకో. అహోసి కమ్మం, అత్థి కమ్మవిపాకో. అహోసి కమ్మం, నత్థి కమ్మవిపాకో. అహోసి కమ్మం, భవిస్సతి కమ్మవిపాకో. అహోసి కమ్మం, న భవిస్సతి కమ్మవిపాకో. [అతీతకమ్మం]

అత్థి కమ్మం, అత్థి కమ్మవిపాకో. అత్థి కమ్మం, నత్థి కమ్మవిపాకో. అత్థి కమ్మం, భవిస్సతి కమ్మవిపాకో. అత్థి కమ్మం, న భవిస్సతి కమ్మవిపాకో. [పచ్చుప్పన్నకమ్మం]

భవిస్సతి కమ్మం, భవిస్సతి కమ్మవిపాకో. భవిస్సతి కమ్మం, న భవిస్సతి కమ్మవిపాకో. [అనాగతకమ్మం]

౨౩౫. అహోసి కుసలం కమ్మం, అహోసి కుసలస్స కమ్మస్స విపాకో. అహోసి కుసలం కమ్మం, నాహోసి కుసలస్స కమ్మస్స విపాకో. అహోసి కుసలం కమ్మం, అత్థి కుసలస్స కమ్మస్స విపాకో. అహోసి కుసలం కమ్మం, నత్థి కుసలస్స కమ్మస్స విపాకో. అహోసి కుసలం కమ్మం, భవిస్సతి కుసలస్స కమ్మస్స విపాకో. అహోసి కుసలం కమ్మం, న భవిస్సతి కుసలస్స కమ్మస్స విపాకో.

అత్థి కుసలం కమ్మం, అత్థి కుసలస్స కమ్మస్స విపాకో. అత్థి కుసలం కమ్మం, నత్థి కుసలస్స కమ్మస్స విపాకో. అత్థి కుసలం కమ్మం, భవిస్సతి కుసలస్స కమ్మస్స విపాకో. అత్థి కుసలం కమ్మం, న భవిస్సతి కుసలస్స కమ్మస్స విపాకో.

భవిస్సతి కుసలం కమ్మం, భవిస్సతి కుసలస్స కమ్మస్స విపాకో. భవిస్సతి కుసలం కమ్మం, న భవిస్సతి కుసలస్స కమ్మస్స విపాకో.

అహోసి అకుసలం కమ్మం, అహోసి అకుసలస్స కమ్మస్స విపాకో. అహోసి అకుసలం కమ్మం, నాహోసి అకుసలస్స కమ్మస్స విపాకో. అహోసి అకుసలం కమ్మం, అత్థి అకుసలస్స కమ్మస్స విపాకో. అహోసి అకుసలం కమ్మం, నత్థి అకుసలస్స కమ్మస్స విపాకో. అహోసి అకుసలం కమ్మం, భవిస్సతి అకుసలస్స కమ్మస్స విపాకో. అహోసి అకుసలం కమ్మం, న భవిస్సతి అకుసలస్స కమ్మస్స విపాకో.

అత్థి అకుసలం కమ్మం, అత్థి అకుసలస్స కమ్మస్స విపాకో. అత్థి అకుసలం కమ్మం, నత్థి అకుసలస్స కమ్మస్స విపాకో. అత్థి అకుసలం కమ్మం, భవిస్సతి అకుసలస్స కమ్మస్స విపాకో. అత్థి అకుసలం కమ్మం, న భవిస్సతి అకుసలస్స కమ్మస్స విపాకో.

భవిస్సతి అకుసలం కమ్మం, భవిస్సతి అకుసలస్స కమ్మస్స విపాకో. భవిస్సతి అకుసలం కమ్మం, న భవిస్సతి అకుసలస్స కమ్మస్స విపాకో.

అహోసి సావజ్జం కమ్మం…పే… అహోసి అనవజ్జం కమ్మం…పే… అహోసి కణ్హం కమ్మం…పే… అహోసి సుక్కం కమ్మం…పే… అహోసి సుఖుద్రయం కమ్మం…పే… అహోసి దుక్ఖుద్రయం కమ్మం…పే… అహోసి సుఖవిపాకం కమ్మం…పే… అహోసి దుక్ఖవిపాకం కమ్మం, అహోసి దుక్ఖవిపాకస్స కమ్మస్స విపాకో. అహోసి దుక్ఖవిపాకం కమ్మం, నాహోసి దుక్ఖవిపాకస్స కమ్మస్స విపాకో. అహోసి దుక్ఖవిపాకం కమ్మం, అత్థి దుక్ఖవిపాకస్స కమ్మస్స విపాకో. అహోసి దుక్ఖవిపాకం కమ్మం, నత్థి దుక్ఖవిపాకస్స కమ్మస్స విపాకో. అహోసి దుక్ఖవిపాకం కమ్మం, భవిస్సతి దుక్ఖవిపాకస్స కమ్మస్స విపాకో. అహోసి దుక్ఖవిపాకం కమ్మం, న భవిస్సతి దుక్ఖవిపాకస్స కమ్మస్స విపాకో.

అత్థి దుక్ఖవిపాకం కమ్మం, అత్థి దుక్ఖవిపాకస్స కమ్మస్స విపాకో. అత్థి దుక్ఖవిపాకం కమ్మం, నత్థి దుక్ఖవిపాకస్స కమ్మస్స విపాకో. అత్థి దుక్ఖవిపాకం కమ్మం, భవిస్సతి దుక్ఖవిపాకస్స కమ్మస్స విపాకో. అత్థి దుక్ఖవిపాకం కమ్మం, న భవిస్సతి దుక్ఖవిపాకస్స కమ్మస్స విపాకో.

భవిస్సతి దుక్ఖవిపాకం కమ్మం, భవిస్సతి దుక్ఖవిపాకస్స కమ్మస్స విపాకో. భవిస్సతి దుక్ఖవిపాకం కమ్మం, న భవిస్సతి దుక్ఖవిపాకస్స కమ్మస్స విపాకోతి.

కమ్మకథా నిట్ఠితా.