౩౩౦. సీలవీమంసజాతకం (౪-౩-౧౦)

౧౧౭. సీలం కిరేవ కల్యాణం, సీలం లోకే అనుత్తరం;

పస్స ఘోరవిసో నాగో, సీలవాతి న హఞ్ఞతి.

౧౧౮. యావదేవస్సహూ కిఞ్చి, తావదేవ అఖాదిసుం;

సఙ్గమ్మ కులలా లోకే, న హింసన్తి అకిఞ్చనం.

౧౧౯. సుఖం నిరాసా సుపతి, ఆసా ఫలవతీ సుఖా;

ఆసం నిరాసం కత్వాన, సుఖం సుపతి పిఙ్గలా.

౧౨౦. న సమాధిపరో అత్థి, అస్మిం లోకే పరమ్హి చ;

న పరం నాపి అత్తానం, విహింసతి సమాహితోతి.

సీలవీమంసజాతకం దసమం.

కుటిదూసకవగ్గో తతియో.

తస్సుద్దానం –

సమనుస్స -సదుద్దుభ-యాచనకో, అథ మేణ్డవరుత్తమ-గోధవరో;

అథ కాయసకేపుక భోతీవరో, అథ రాధసుసీలవరేన దసాతి.