౩౧౫. సబ్బమంసలాభజాతకం (౪-౨-౫)

౫౭. ఫరుసా వత తే వాచా, మంసం [సమ్మ (పీ. క.)] యాచనకో అసి [చసి (పీ.)];

కిలోమసదిసీ [కిలోమస్స సదిసా (పీ.)] వాచా, కిలోమం సమ్మ దమ్మి తే.

౫౮. అఙ్గమేతం మనుస్సానం, భాతా లోకే పవుచ్చతి;

అఙ్గస్స సదిసీ వాచా [అఙ్గస్సదిసీ తే వాచా (క.)], అఙ్గం సమ్మ దదామి తే.

౫౯. తాతాతి పుత్తో వదమానో, కమ్పేతి [సమ్మేతి (క.)] హదయం పితు;

హదయస్స సదిసీ [హదయస్సదిసీ (క.)] వాచా, హదయం సమ్మ దమ్మి తే.

౬౦. యస్స గామే సఖా నత్థి, యథారఞ్ఞం తథేవ తం;

సబ్బస్స సదిసీ వాచా, సబ్బం సమ్మ దదామి తేతి.

సబ్బమంసలాభజాతకం [మంసజాతకం (సీ. స్యా. పీ.)] పఞ్చమం.