౨. గతసఞ్ఞకత్థేరఅపదానం

౧౦. ‘‘జాతియా సత్తవస్సోహం, పబ్బజిం అనగారియం;

అవన్దిం సత్థునో పాదే, విప్పసన్నేన చేతసా.

౧౧. ‘‘సత్తనఙ్గలకీపుప్ఫే, ఆకాసే ఉక్ఖిపిం అహం;

తిస్సం బుద్ధం సముద్దిస్స, అనన్తగుణసాగరం.

౧౨. ‘‘సుగతానుగతం మగ్గం, పూజేత్వా హట్ఠమానసో;

అఞ్జలిఞ్చ [అఞ్జలిస్స (క.)] తదాకాసిం, పసన్నో సేహి పాణిభి.

౧౩. ‘‘ద్వేనవుతే ఇతో కప్పే, యం కమ్మమకరిం తదా;

దుగ్గతిం నాభిజానామి, బుద్ధపూజాయిదం ఫలం.

౧౪. ‘‘ఇతో అట్ఠమకే కప్పే, తయో అగ్గిసిఖా అహు;

సత్తరతనసమ్పన్నా, చక్కవత్తీ మహబ్బలా.

౧౫. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా గతసఞ్ఞకో థేరో ఇమా గాథాయో అభాసిత్థాతి.

గతసఞ్ఞకత్థేరస్సాపదానం దుతియం.