౮. పాటలిపుప్ఫియత్థేరఅపదానం

౩౬. ‘‘సువణ్ణవణ్ణం సమ్బుద్ధం, గచ్ఛన్తం అన్తరాపణే;

కఞ్చనగ్ఘియసఙ్కాసం, బాత్తింసవరలక్ఖణం.

౩౭. ‘‘సేట్ఠిపుత్తో తదా ఆసిం, సుఖుమాలో సుఖేధితో;

ఉచ్ఛఙ్గే పాటలిపుప్ఫం, కత్వాన [కత్వా తం (సీ. స్యా.)] అభిసంహరిం.

౩౮. ‘‘హట్ఠో హట్ఠేన చిత్తేన, పుప్ఫేహి అభిపూజయిం;

తిస్సం లోకవిదుం నాథం, నరదేవం నమస్సహం.

౩౯. ‘‘ద్వేనవుతే ఇతో కప్పే, యం కమ్మమకరిం తదా;

దుగ్గతిం నాభిజానామి, పుప్ఫపూజాయిదం ఫలం.

౪౦. ‘‘ఇతో తేసట్ఠికప్పమ్హి, అభిసమ్మతనామకో;

సత్తరతనసమ్పన్నో, చక్కవత్తీ మహబ్బలో.

౪౧. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా పాటలిపుప్ఫియో థేరో ఇమా గాథాయో అభాసిత్థాతి.

పాటలిపుప్ఫియత్థేరస్సాపదానం అట్ఠమం.