౫. ఏకసఞ్ఞకత్థేరఅపదానం

౧౮. ‘‘ఖణ్డో నామాసి నామేన, విపస్సిస్సగ్గసావకో;

ఏకా భిక్ఖా మయా దిన్నా, లోకాహుతిపటిగ్గహే.

౧౯. ‘‘తేన చిత్తప్పసాదేన, ద్విపదిన్ద నరాసభ;

దుగ్గతిం నాభిజానామి, ఏకభిక్ఖాయిదం ఫలం.

౨౦. ‘‘చత్తాలీసమ్హితో కప్పే, వరుణో నామ ఖత్తియో;

సత్తరతనసమ్పన్నో, చక్కవత్తీ మహబ్బలో.

౨౧. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా ఏకసఞ్ఞకో థేరో ఇమా గాథాయో అభాసిత్థాతి.

ఏకసఞ్ఞకత్థేరస్సాపదానం పఞ్చమం.