౧౦. పబ్భారదాయకత్థేరఅపదానం

౪౭. ‘‘పియదస్సినో భగవతో, పబ్భారో సోధితో మయా;

ఘటకఞ్చ ఉపట్ఠాసిం, పరిభోగాయ తాదినో.

౪౮. ‘‘తం మే బుద్ధో వియాకాసి, పియదస్సీ మహాముని;

సహస్సకణ్డో సతభేణ్డు [సతగేణ్డు (స్యా. క.)], ధజాలు హరితామయో.

౪౯. ‘‘నిబ్బత్తిస్సతి సో యూపో, రతనఞ్చ అనప్పకం;

పబ్భారదానం దత్వాన, కప్పం సగ్గమ్హి మోదహం.

౫౦. ‘‘ఇతో బాత్తింసకప్పమ్హి, సుసుద్ధో నామ ఖత్తియో;

సత్తరతనసమ్పన్నో, చక్కవత్తీ మహబ్బలో.

౫౧. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా పబ్భారదాయకో థేరో ఇమా గాథాయో అభాసిత్థాతి.

పబ్భారదాయకత్థేరస్సాపదానం దసమం.

పదుమకేసరవగ్గో ఏకతింసతిమో.