౨. పుప్ఫధారకత్థేరఅపదానం

౬. ‘‘వాకచీరధరో ఆసిం, అజినుత్తరవాసనో;

అభిఞ్ఞా పఞ్చ నిబ్బత్తా, చన్దస్స పరిమజ్జకో.

౭. ‘‘విపస్సిం లోకపజ్జోతం, దిస్వా అభిగతం మమం;

పారిచ్ఛత్తకపుప్ఫాని, ధారేసిం సత్థునో అహం.

౮. ‘‘ఏకనవుతితో కప్పే, యం పుప్ఫమభిపూజయిం;

దుగ్గతిం నాభిజానామి, ధారణాయ ఇదం ఫలం.

౯. ‘‘సత్తాసీతిమ్హితో కప్పే, ఏకో ఆసిం మహీపతి;

సమన్తధారణో నామ, చక్కవత్తీ మహబ్బలో.

౧౦. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా పుప్ఫధారకో థేరో ఇమా గాథాయో అభాసిత్థాతి.

పుప్ఫధారకత్థేరస్సాపదానం దుతియం.