౫. వేదికారకత్థేరఅపదానం

౧౯. ‘‘విపస్సినో భగవతో, బోధియా పాదపుత్తమే;

పసన్నచిత్తో సుమనో, కారేసిం వేదికం అహం.

౨౦. ‘‘ఏకనవుతితో కప్పే, కారేసిం వేదికం అహం;

దుగ్గతిం నాభిజానామి, వేదికాయ ఇదం ఫలం.

౨౧. ‘‘ఇతో ఏకాదసే కప్పే, అహోసిం సూరియస్సమో;

సత్తరత్తనసమ్పన్నో, చక్కవత్తీ మహబ్బలో.

౨౨. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా వేదికారకో థేరో ఇమా గాథాయో అభాసిత్థాతి.

వేదికారకత్థేరస్సాపదానం పఞ్చమం.