౫. రంసిసఞ్ఞకత్థేరఅపదానం

౨౧. ‘‘ఉదేన్తం సతరంసింవ, పీతరంసింవ [సితరంసిం వ (సీ. స్యా.)] భాణుమం;

బ్యగ్ఘూసభంవ పవరం, సుజాతం పబ్బతన్తరే.

౨౨. ‘‘బుద్ధస్స ఆనుభావో సో, జలతే పబ్బతన్తరే;

రంసే [రంస్యా (?)] చిత్తం పసాదేత్వా, కప్పం సగ్గమ్హి మోదహం.

౨౩. ‘‘అవసేసేసు కప్పేసు, కుసలం చరితం మయా;

తేన చిత్తప్పసాదేన, బుద్ధానుస్సతియాపి చ.

౨౪. ‘‘తింసకప్పసహస్సేతో, యం సఞ్ఞమలభిం తదా;

దుగ్గతిం నాభిజానామి, బుద్ధసఞ్ఞాయిదం ఫలం.

౨౫. ‘‘సత్తపఞ్ఞాసకప్పమ్హి, ఏకో ఆసిం జనాధిపో;

సుజాతో నామ నామేన, చక్కవత్తీ మహబ్బలో.

౨౬. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా రంసిసఞ్ఞకో థేరో ఇమా గాథాయో అభాసిత్థాతి.

రంసిసఞ్ఞకత్థేరస్సాపదానం పఞ్చమం.