౬. సన్ధితత్థేరఅపదానం

౨౭. ‘‘అస్సత్థే హరితోభాసే, సంవిరూళ్హమ్హి పాదపే;

ఏకం బుద్ధగతం సఞ్ఞం, అలభింహం [అలభిస్సం (సీ.)] పతిస్సతో.

౨౮. ‘‘ఏకత్తింసే ఇతో కప్పే, యం సఞ్ఞమలభిం తదా;

తస్సా సఞ్ఞాయ వాహసా, పత్తో మే ఆసవక్ఖయో.

౨౯. ‘‘ఇతో తేరసకప్పమ్హి, ధనిట్ఠో నామ ఖత్తియో;

సత్తరతనసమ్పన్నో, చక్కవత్తీ మహబ్బలో.

౩౦. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా సన్ధితో [సణ్ఠితో (సీ.)] థేరో ఇమా గాథాయో అభాసిత్థాతి.

సన్ధితత్థేరస్సాపదానం ఛట్ఠం.