౨. మినేలపుప్ఫియత్థేరఅపదానం

౫. ‘‘సువణ్ణవణ్ణో భగవా, సతరంసీ పతాపవా;

చఙ్కమనం సమారూళ్హో, మేత్తచిత్తో సిఖీసభో.

౬. ‘‘పసన్నచిత్తో సుమనో, వన్దిత్వా [థోమేత్వా (స్యా.)] ఞాణముత్తమం;

మినేలపుప్ఫం పగ్గయ్హ, బుద్ధస్స అభిరోపయిం.

౭. ‘‘ఏకత్తింసే ఇతో కప్పే, యం పుప్ఫమభిపూజయిం;

దుగ్గతిం నాభిజానామి, బుద్ధపూజాయిదం ఫలం.

౮. ‘‘ఏకూనతింసకప్పమ్హి, సుమేఘఘననామకో;

సత్తరతనసమ్పన్నో, చక్కవత్తీ మహబ్బలో.

౯. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా మినేలపుప్ఫియో థేరో ఇమా గాథాయో అభాసిత్థాతి.

మినేలపుప్ఫియత్థేరస్సాపదానం దుతియం.